கனடா 2024-ஆம் ஆண்டில் 3,74,832 பேருக்கு புதிய குடியுரிமை வழங்கியுள்ளது, இதில் இந்தியர்களே அதிக எண்ணிக்கையில் உள்ளனர்.
Immigration, Refugees and Citizenship Canada (IRCC) நாடாளுமன்றத்திற்கு சமர்ப்பித்த ஆண்டறிக்கையில் இந்த தகவல் வெளியிடப்பட்டது.
2024 குடியுரிமை வழங்கல் விவரம்
கனடா 2024-இல் 217 நாடுகளில் இருந்து புதிய குடிமக்களை வரவேற்றுள்ளது.
2024-ல் குடியுரிமை பெற்றவர்களில் 23.43 சதவீதம் மக்கள் இந்தியர்களாக உள்ளனர்.
ஏப்ரல்-ஜூன் காலத்தில் அதிகபட்சமாக 1,04,218 பேர் குடியுரிமை பெற்றுள்ளனர்.
டிசம்பர் மாதம் மிகக் குறைந்த எண்ணிக்கையாக 18,160 பேருக்கு குடியுரிமை வழங்கப்பட்டுள்ளது.
முந்தைய (2023) ஆண்டுடன் ஒப்பிடும்போது, 2024-ல் குடியுரிமை பெற்றவர்களின் எண்ணிக்கை 5125 குறைந்துள்ளது.
கனேடிய குடியுரிமை அதிகமாக பெற்ற முக்கிய நாடுகள் மற்றும் எண்ணிக்கை (2024)
இந்தியா- 87,812
பிலிப்பைன்ஸ் – 37,843
சீனா – 14,134
நைஜீரியா – 13,210
பாகிஸ்தான் – 10,831
அமெரிக்கா- 9,560
பிரேசில் – 9,381
பிரான்ஸ் – 9,250
குடிவரவு மாற்றங்கள்
2025-ல் 3,95,000 புதிய permanent residents அனுமதிக்க கனடா திட்டமிட்டுள்ளது.
2026 மற்றும் 2027-இல் இலக்குகளை 3,80,000 மற்றும் 3,65,000 ஆகக் குறைக்க முடிவு செய்யப்பட்டுள்ளது.
தற்காலிக குடியேற்றத்திற்கும் கட்டுப்பாடு விதிக்கப்படவுள்ளது.
கனடா பாஸ்போர்ட் தரநிலை
2025 Henley Passport Index பட்டியலில் கனேடிய பாஸ்போர்ட் 7-வது இடம் பெற்றுள்ளது.
கனேடிய பாஸ்போர்ட் மூலம் 188 நாடுகளுக்கு விசா இல்லாமல் செல்ல முடியும்.
மாணவர் விசா மாற்றங்கள்
2025ல் 4,37,000 மாணவர் விசாக்கள் வழங்கப்படும், இது 2024யில் இருந்து 10% குறைவு.
புதிய நிதி தேவைகள், வேலை விதிகள், மற்றும் கல்வி ஆவண சரிபார்ப்பு முறைகள் அறிமுகப்படுத்தப்பட்டுள்ளன.
வேலை வாய்ப்புகள் மற்றும் தொழில்முனைவோர்
கனடாவில் 8 லட்சத்திற்கும் அதிகமான குடியேறுபவர்கள் சுயதொழிலில் ஈடுபட்டுள்ளனர்.
தொழில்நுட்பம், விஞ்ஞானம், தகவல் தொழில்நுட்பம் மற்றும் கலாச்சாரம் உள்ளிட்ட துறைகளில் வேலை வாய்ப்புகள் அதிகரித்துள்ளன.
கனடாவின் புதிய குடியேற்றத் திட்டங்கள், நாட்டின் பொருளாதார தேவைகளுக்கேற்ப மாற்றப்பட்டு வருகின்றன.