22.5 C
Scarborough

மற்றுமொரு போட்டியை சுவீகரித்த இந்திய செஸ் சம்பியன்!

Must read

சூப்பர் யுனைடெட் ரெப்பிட் மற்றும் பிளிட்ஸ் செஸ் போட்டி குரோஷியாவின் ஸாக்ரெப் நகரில் நடைபெற்று வருகிறது. இதில் உலக சம்பியனான இந்தியாவின் குகேஷ், ரெப்பிட் பிரிவில் பட்டம் வென்றுள்ளார்.

கிராண்ட் செஸ் சுற்றுலாவில் இந்த தொடரும் ஒன்றாக உள்ளது. இதன் ரெப்பிட் பார்மெட் முதல் சுற்று ஆட்டத்தில் குகேஷ் தோல்வியை தழுவினார். அதன் பின்னர் நடைபெற்ற 5 சுற்றுகளில் தொடர்ச்சியாக வெற்றி பெற்றார். 6-வது சுற்று ஆட்டத்தில் உலகின் முதல் நிலை வீரரான நோர்வேயின் மேக்னஸ் கார்ல்சனை குகேஷ் வீழ்த்தினார்.

தொடர்ந்து 7-வது சுற்றில் அனிஷ் கிரி, 8-வது சுற்றில் இவான் சரிச் உடன் விளையாடினார். அந்த இரண்டு சுற்றும் சமநிலையில் முடிந்தது. இதன் மூலம் ரேபிட் பிரிவில் 14 புள்ளிகளுடன் பட்டம் வென்றார் குகேஷ்.

போலந்து வீரர் துடா, ரெப்பிட் பிரிவில் 11 புள்ளிகளுடன் இரண்டாம் இடம் பிடித்தார் 10 புள்ளிகளுடன் மூன்றாம் இடம் பிடித்தார் கார்ல்சன். 9 புள்ளிகள் எடுத்த பிரக்ஞானந்தா 4-ம் இடத்தை பகிர்ந்து கொண்டார்.

More articles

LEAVE A REPLY

Please enter your comment!
Please enter your name here

Latest article