20.3 C
Scarborough

தேசிய பழங்குடியின நிகழ்வில் ஜனாதிபதி பங்கேற்பு

Must read

உலக பழங்குடியின மக்களின் சர்வதேச தினத்தை முன்னிட்டு இன்று (09) காலை தம்பானையில் உள்ள பழங்குடி அருங்காட்சியக வளாகத்தில் ஜனாதிபதி அனுர குமார திசாநாயக்க தலைமையில் தேசிய கொண்டாட்டம் நடைபெற்றது.

இலங்கையின் முன்னணி பழங்பழங்குடியினரின் உச்சி மாநாட்டில் பங்கேற்றதைத் தொடர்ந்து, இலங்கையில் உலக பழங்குடியின மக்கள் தினத்தைக் கொண்டாடும் பாரம்பரியத்தைத் தொடங்கினார். அதன்படி, இலங்கையில் முதல்பழங்குடியின மக்கள் தினக் கொண்டாட்டம் 1999 ஆம் ஆண்டு கொழும்பில் உள்ள விஹாரமஹாதேவி பூங்காவில் நடைபெற்றது.

இந்த ஆண்டு கொண்டாட்டம், பல்வேறு பொது மற்றும் தனியார் நிறுவனங்களால் ஏற்பாடு செய்யப்பட்டது, அமைதி மற்றும் செழிப்புக்கான ஆசீர்வாதங்களைப் பெறுவதற்காக நிகழ்த்தப்பட்ட பாரம்பரிய ‘கிரி கொரஹா’ சடங்கு உட்பட பூர்வீக சமூகத்திற்கு தனித்துவமான கலாச்சார நிகழ்வுகளுடன் கொண்டாடப்பட்டது என்று ஜனாதிபதி ஊடகம் தெரிவித்துள்ளது.

இந்நிகழ்வை, மறைந்த பழங்குடி சமூகத் தலைவர் உருவரிகே திசஹாமி அத்தோவின் சிலைக்கு ஜனாதிபதி அனுரகுமார திசாநாயக்க மலர் அஞ்சலி செலுத்தி தொடங்கி வைத்துள்ளார். அதைத் தொடர்ந்து அருங்காட்சியகத்தின் மைய முற்றத்தில் வெள்ளை சந்தன மரக்கன்று நடப்பட்டது.

இந்த நிகழ்வில், இலங்கையின் தற்போதைய பழங்குடி சமூகத் தலைவர், பழங்குடி சமூகத்தின் கவலைகளை கோடிட்டுக் காட்டும் செய்தியையும், நினைவுப் பலகையையும் ஜனாதிபதியிடம் வழங்கினார்.

ஜனாதிபதி அனுரகுமார திசாநாயக்க, பழங்குடி சமூகத் தலைவருக்கு நினைவு பரிசையும் வழங்கியதாக ஜனாதிபதி ஊடக பிரிவு தெரிவித்துள்ளது.

More articles

LEAVE A REPLY

Please enter your comment!
Please enter your name here

Latest article